Gaur egun estigmatizatuta dauden hainbat gaien artean, suizidioa leku berezi bat mantentzen du. Norbait ondorio naturalen edo gaixotasun baten ondorioz hil egiten denean, gaia jada kontu nahikoz tratatzen dugu; pertsona bat istripu bat dela eta edo beste pertsona batek hil egiten badu, ez gara ausartzen gaia aipatzen ere. Dena den, estigma horien guztien gainetik suizidioa dago, bada, pertsona bat bere bizitzarekin BERE KABUZ amaitu egiten duenean, ez gara auzartzen gaiaz pentsatzen ere.
Zenbait kasutan, suizidioari buruz hitz egiten dugu, adibidez Suizidioaren Prebentzioaren egunean, irailak 10. Hala ere, urtean zehar ez da arazo honi buruz hitz egiten, agian berri pare bat, baina horretaz gain ezer ez.
Isiltasun hori akats larria da. Zifrak besterik ez begiratu behar ditugu, gure herrialdean suizidioa da heriotza gehien eragin duen kanpo heriotza, 3.500 heriotza baino gehiago eragiten baititu.
Egunero, Espainian, hamar pertsonak beren buruaz beste egiten dute. Munduan, OMEren arabera, 800.000 pertsona hiltzen dira urtean eta beste milaka saiatzen dira.
Batek bere buruaz beste egiten duenean, honek ez du esan nahi auzarta edo koldarra dela, baizik eta guztiz nekatuta dagoela. Antsietatea edo baten arazo pertsonalak askotan putsu beltz batean sartzen digute, eta honetatik irtetzea guztiz ezinezkoa dela uste dugu, heriotza bide bakarra dela pentsatuz.
Momentu horretan, batek haren bizitza amaitzekotan dagoenean, guztiok ezagutzen dugun esaldia botatzen du: ondo nago.
Ondo ez gaudela esaten ikasi behar dugu, laguntza eskatzeak ez gaitu ahulak egiten, ezta gure irudia besteon aurrean hondatzen. Laguntza eskatzea beharrezkoa da, azkenean besteen gainetik garrantzia handiena duena gure ongizatea da.
Suizidioa agian gai nahiko deserosoa izan daiteke, baina gure esku dago estigma honen kontra borrokatzea eta “ondo nago” horren atzetik zer dagoen ikustea.